Eins og búast mátti við þá er Jan Kromkamp nú kominn aftur til heimalands síns en hann hefur skrifað undir samning við PSV Eindhoven. Það líður því ekki á löngu þar til við fáum að sjá hægri bakvörðinn aftur þar sem PSV er með Liverpool í riðli í Meistaradeildinni. Við fáum um tvær milljónir punda fyrir Kromkamp sem fara beint upp í Lucas Neill, sem vonandi kemur.

Kromkamp kom í janúar síðastliðnum en þá voru menn ansi sáttir við að fá hollenskan landsliðsbakvörð í skiptum fyrir Josemi sem sýndi ekki mikla takta, reyndar ekki frekar en Kromkamp sem ég heillaðist aldrei af. En eins og segir í fréttinni á opinbera vefsetrinu þá fékk hann allavega verðlaunapening til að sýna ágæti sitt en hann spilaði reyndar ekki með gegn West Ham í úrslitaleik FA bikarsins.

Hvað Lucas Neill varðar hefur ekkert heyrst af því en málið skýrist þó auðvitað í kvöld.

SVo virðist vera sem að síðasti dagur félagaskipta ætli að verða viðburðarríkari en við áttum von á.

Í grein í [Liverpool Echo](http://icliverpool.icnetwork.co.uk/0500liverpoolfc/0100news/tm_objectid=17657203%26method=full%26siteid=50061%26headline=neill%2don%2dbrink-name_page.html) heldur Chris Bascombe eftirfarandi fram:

* Tilboði Liverpool í Lucas Neill uppá 2 milljónir var hafnað.
* Blackburn vilja Stephen Warnock + peninga fyrir Neill (sem á 1 ár eftir af samningnum). Það er hins vegar tóm steypa
* Liverpool eru sennilega tilbúnir að skipta beint á þessum tveim mönnum.
* Jan Kromkamp fer til PSV í dag fyrir 2 milljónir punda
* Salif Diao verður áfram hjá Liverpool þar sem hann gat ekki samið um laun við Recreativo á Spáni. Hann er á svo háum launum núna hjá Liverpool.

Þetta verður spennandi dagur.