Okkar menn unnu í dag fyrsta deildarleik sinn í vetur með góðum 2-1 sigri á West Ham á Anfield. Þetta var annar leikur liðsins og kom eftir jafnteflið við Sheffield United um síðustu helgi, þannig að okkar menn eru enn ósigraðir og komnir í toppsætin með fjögur stig eftir tvo leiki. Síðar í dag og á morgun verður leikin heil umferð í deildinni þannig að það verður athyglisvert að sjá hvar í töflunni okkar menn eru staddir eftir helgina, með leik til góða á flest hin liðin.

Rafa gerði enn og aftur breytingar á liði sínu frá því í síðasta leik en í dag voru þær ekki jafn margar og í öðrum leikjum haustsins. Gerrard og Bellamy komu aftur inn í liðið og þá var nýliðinn Dirk Kuyt á bekknum. Liðið í heild var svona:

**BEKKUR:** Dudek, Kromkamp, Zenden, Gonzalez, Kuyt.

Leikurinn fór frekar hægt af stað, okkar menn sóttu í átt að The Kop-stúkunni sem fagnar hundrað ára afmæli sínu um þessar mundir. Maður vissi að það var erfiður leikur framundan en framan af virtist þetta ætla að vera stórsókn okkar manna, en ekkert gekk að skapa sér færi.

Fyrsta markið kom svo gegn gangi leiksins, en eftir smá baráttu á miðjum vellinum barst boltinn út á hægri væng West Ham-manna þar sem Bobby Zamora fékk hann. Hann ætlaði greinilega að gefa fyrir en hitti boltann illa og hann fór beint á nærstöngina. Pepe Reina hafði hins vegar gert ráð fyrir því að boltinn kæmi út í teiginn og var því kominn allt of utarlega og missti boltann því í netið á nærstönginni. Mjög klaufalegt hjá Reina og ekki við neinn annan að sakast, og West Ham-menn voru komnir yfir.

Eftir þetta sást smá taugatitringur í okkar mönnum. West Ham-menn drógu sig aftar á vellinum og ætluðu að bíða færis en lítið gekk hjá okkar mönnum að skapa sér sóknarfæri. En menn voru þolinmóðir og unnu sig hægt og bítandi aftur inn í leikinn og það bar árangur. Á 41. mínútu fékk Daniel Agger boltann við miðlínu vallarins. Hann hljóp með hann inn á miðjan vallarhelming West Ham og þegar hann sá að hann var óáreittur lét hann bara vaða með vinstri og boltinn söng uppi í markhorninu. Fyrsta mark þessa frábæra, danska varnarmanns sem er svo sannarlega búinn að stimpla sig inn í enska boltann, og eitt af mörkum tímabilsins þori ég að fullyrða!

Eftir það tók við stórsókn og okkar menn komust yfir undir lok hálfleiksins. Luis García fékk boltann á vítalínunni úti til hægri og lék að teignum, laumaði boltanum svo innfyrir vörnina á Peter Crouch sem kom okkar mönnum yfir, 2-1.

Í síðari hálfleik léku eiginlega bæði liðin betri fótbolta en í þeim fyrri og þótt mörkin hafi öll komið í fyrri hálfleik var sá síðari eiginlega samt skemmtilegri. Liverpool-liðið fann loks flæðið í leik sínum og okkar menn höfðu feykimörk færi til að bæta við marki og tryggja sigur, auk þess sem Craig Bellamy skoraði mark undir lokin úr góðri sókn en það var dæmt af vegna mjög tæprar rangstöðu sem ég er ekki sannfærður um að hafi verið réttur dómur.

West Ham-menn fengu á móti nokkur góð færi til að jafna leikinn og stela stigi af Anfield, en það besta kom á 80. mínútu þegar fyrirgjöf frá hægri fann Lee Bowyer á markteig en hann skaut einn og óvaldaður í utanverða stöngina og framhjá. Hefði átt að skora úr því færi og maður andvarpaði bara þegar maður sá boltann rúlla í stöngina.

Á endanum héldu okkar menn út og innbyrtu mikilvægan sigur og geta því farið brosandi inn í enn eitt h—–is landsleikjahléð. Næsti leikur er á laugardegi eftir nákvæmlega tvær vikur, á Goodison Park gegn erkifjendunum í Everton.

Og eitt enn áður en við gerum leikinn upp: ég gæti skrifað ritgerð um það hversu slakur Alan Wiley dómari var í dag en ég nenni því ekki. En dómgæslan hallaði eiginlega á hvorugt liðið, aðallega bara á Bellamy sem einstakling, og var í heildina alveg skelfileg. Það er ömurlegt að horfa á dómara nánast eyðileggja leiki svona.

**MAÐUR LEIKSINS:** Ef ég ætti að velja besta leikmann tímabilsins hjá okkur til þessa væri það sami maður og stóð höfuð og herðar yfir aðra leikmenn vallarins í dag. **DANIEL AGGER** hefur fest sig heldur betur í sessi hjá liðinu í þessum fjórum leikjum sínum til þessa og verið besti maður vallarins eða einn af þeim bestu í þeim öllum. Í dag lék hann aftur frábærlega, þeir Zamora og Harewood sáust ekki og Agger leysti allar flækjur vandræðalaust. Hyypiä stóð sig líka vel í dag og á sama hrós skilið fyrir sterka vörn, en munurinn á þeim er þetta frábæra mark sem Agger skoraði í dag. Það er hans fyrsta fyrir Liverpool og vonandi verða þau mörg fleiri í þessum dúr!

**VARAMAÐUR LEIKSINS:** Þegar klukkutími var liðinn af leiknum skipti Rafa Benítez Peter Crouch útaf, aðallega til að hvíla hann en líka til að gefa nýja leikmanninum okkar séns. Inná kom **DIRK KUYT** og það sem eftir lifði leiks sýndi hann okkur nákvæmlega hvers vegna Rafa eyddi tæplega tíu milljónum punda í þennan leikmann. Á rétt rúmum hálftíma átti hann fimm skot að marki, þar af þrjú á rammann, og bjó til allavega þrjú dauðafæri fyrir samherja sína. Hann smellpassaði inn í leik liðsins og það var frábært að sjá hversu vel hann náði saman við samherja sína. Hann er sívinnandi, kom alla leið aftur á miðju til að sækja boltann og taka þátt í spilinu en var samt alltaf mætur inn í teiginn. Það er einfaldlega langt síðan ég hef séð nýjan leikmann eiga svona jákvæða frumraun fyrir liðið og þótt hann hafi ekki náð að skora í dag er ljóst að ef hann getur haldið áfram eins og hann byrjar verður þessi leikmaður algjör uppgötvun í vetur!

Fín byrjun, fjögur stig eftir tvo leiki og sæti í Meistaradeildinni tryggt. Næst er tveggja vikna landsleikjahlé og svo erkifjendurnir í Everton. Strax þar á eftir fylgja fyrsti leikur í Meistaradeildinni og svo leikur gegn Chelsea, þannig að njótið afslöppunarinnar í fríinu næstu tvær vikurnar vel. Þið verðið á taugum þegar liðið byrjar að spila aftur. :)

Eitthvað er það við þetta Liverpool lið og leiki í Evrópu. Stundum held ég að leikmennirnir séu hreinlega bara skepnur, sem elski að vita til þess að aðdáendur liðsins þjáist heima hjá sér, á vellinum og á börum um allan heim.

Allavegana, virðist það gerast á hverju ári að undankeppni Meistaradeildarinnar reynist Liverpool gríðarlega erfið. Liðið virðist alltaf haltra inní sjálfa riðlakeppnina. Árið í ár var engin undantekning.

En allavegana, Liverpool gerðu í kvöld jafntefli við Macabi Haifa og það var nóg til að tryggja liðinu sess í Meistaradeildinni.

Rafa stillti liðinu svona upp í byrjun.

Í fyrri hálfleik héldu svo varnarmenn Liverpool áfram að meiðast því Stephen Warnock þurfti að fara af velli og Fabio Aurelio kom inná.

Leikurinn byrjaði hægt, en smám saman byrjaði Liverpool að setja mark sitt á leikinn og Luis Garcia hefði getað skorað þrennu í fyrri hálfleik, en markvörður Haifa varði frá honum öll skiptin. Xabi Alonso átti svo nokkur góð skot á markið.

Haifa menn skoruðu svo mark, en það var réttilega dæmt af vegna rangstöðu.

Í seinni hálfleik hélt Liverpool áfram að sækja. En liðið varð fyrir áfalli þegar að Momo Sissoko fór meiddur af velli og Gerrard kom inná. Það var svo loksins **Peter Crouch**, sem náði að skora eftir frábæran undirbúning frá Jermaine Pennant. Fínt mark og gríðarlegur léttir fyrir Liverpool menn.

En til að gera hlutina aðeins flóknari, þá skoruðu Haifa menn virkielga flott mark. Þeir spóluðu sig í gegnum vörnina og Colautti skoraði fallegt mark. Eftir þetta átti Haifa menn nokkrar hættulegar sóknir og varði Reina m.a. glæsilega, en Liverpool menn héldu þetta út.

**Maður leiksins**: Það er svo sem ekki auðvelt að velja þetta. Gonzalez var ágætur á kantinum og ógnaði vel. Vörnin var ágæt, en var þó á stundum óörugg. Ætli ég velji ekki bara **Xabi Alonso**, því hann var sterkur – sérstaklega í fyrri hálfleik og hann varðist vel í þeim seinni.

En allavegana, núna eru Liverpool menn komnir í Meistaradeildina og við getum þá hlakkað til miðvikudagskvölda í vetur. Liðið er með í keppni þeirra bestu, þar sem það á heima. Það er það sem skiptir máli í kvöld.

Ég verð að segja að þessi niðurstaða er ekkert annað en vonbrigði. Leikurinn endaði með 1-1 jafntefli eftir að þeir komust yfir á 1. mínútu síðari hálfleiks en Robbie nokkur Fowler jafnaði metin úr vítaspyrnu í síðari hálfleik. Rafa byrjaði með lið sem ég hefði aldrei getað giskað á:

Bekkurinn: Dudek, Agger (inná fyrir Carragher 34.), Gonzalez (inná fyrir Riise, 22.), Crouch, Pennant (inná fyrir Fowler, 83.)

Nýliðarnir komu mjög ákveðnir til leiks, greinilega staðráðnir í að sýna að þeir verða sýnd veiði en ekki gefin í vetur. Þeir byrjuðu betur, voru grimmir og héldu boltanum ágætlega innan liðsins, eitthvað sem skorti sárlega í leik Liverpool í fyrri hálfleiknum. Þeim gekk þó illa að koma sér í færi, aðallega vegna vaskrar frammistöði Carra sem byrjaði mjög vel. Ekki er hægt að segja það sama um Hyypia sem mér fannst hættulega slakur til að byrja með.

Fyrsta færið kom á níunda mínútu þegar hinn baráttuglaði Bellamy skaut rétt framhjá, reyndar snerti markmaður þeirra boltann lítillega. Vörnin okkar var ekki sú öruggasta og Kromkamp fannst mér ekki eiga góðan dag, hvorki í vörn né sókn.

Riise þurfti að fara meiddur af velli um miðbik fyrri hálfleiks eftir að hafa komist framhjá markmanni heimamanna og sent fyrir af endalínunni án þess að Bellamy næði til boltans. Mark Gonzalez kom inná í hans stað og Aurelio fór í bakvörðinn. Skömmu síðar haltraði Carragher svo af velli eftir að hafa verið tæklaður fyrr í leiknum og Agger kom inná í miðvörðinn í hans stað. Ekki það besta sem gat gerst…

Aurelio átti frábæra aukaspyrnu sem Kenny markmaður varði naumlega en það var besta færi fyrri hálfleiks. Brasilíumaðurinn heillaði mig í leiknum og ég held að það sé ekki nokkur spurning að hann muni koma sterkur inn í vinstri bakvarðarstöðuna, sérstaklega þar sem Riise verður líklega frá í nokkrar vikur vegna meiðslanna.

Fowler var duglegur í framlínunni og reyndi hvað hann gat en kallanganum gekk illa að brjóta ísinn. Það vantaði eitthvað uppá að hann næði að koma sér í úrvalsfærin sem hann kann svo sannarlega að klára, en reyndar létu færin sig vanta í fyrri hálfleiknum. Fowler var að detta þegar hann var komin í fín færi og var óheppinn að láta ekki meira að sér kveða.

Eftir að hafa klárað tvær skiptingar á 34. mínútum verður síðari hálfleikurinn alltaf erfiður. Rafa hefði örugglega viljað breyta fyrr en hann gerði, til dæmis hefði hann viljað setja Crouch inná en hann setti Pennannt inná undir lokin, það skilaði engu.

Reiðarslagið kom á fyrstu mínútu síðari hálfleiks sem var það versta sem gat gerst eftir skelfilegar breskar auglýsingar í hálfleik. Sheffield fékk aukaspyrnu úti á kanti og Rob Hulse var einn í heiminum í vítateignum og skallaði boltann í netið, óverjandi fyrir Reina. Hvað vörnin var að hugsa veit ég ekki en Aurelio og Agger voru algjörlega sofandi í markinu.

Skömmu síðar skallaði Hyypia í utanverða nærstöngina og þá átti Bellamy skalla eftir fyrirgjöf Aurelio sem Kenny varði vel. Sheffield drógu lið sitt alveg til baka, skiljanlega, og vörðust af krafti eftir að hafa komist yfir og ætluðu sér að halda fengnum hlut. Okkar menn vöknuðu ekki almennilega til lífsins fyrr en um hálftími lifði leiks þegar stórsóknin byrjaði og hún skilaði loks árangri.

Gerrard tók skemmtilegan þríhyrning við Fowler og þegar Gerrard fór inn í teiginn var hann tæklaður. Snertingin var ekki mikil en nóg til að trufla fyrirliðann, sem var kominn einn gegn markmanninum, og eftir að hafa fallið í jörðina fékk hann vítaspyrnu. Úr henni skoraði Fowler af miklu öryggi og jafnaði metin. Vítið var mjög umdeilt og var stjóri Sheffield langt frá því að vera sáttur eftir leikinn þar sem Rob Hulse, dómari, útskýrir líka af hverju hann flautaði á snertinuguna.

Fátt markvert gerðist það sem lifði leiks. Heimamenn voru greinilega sáttir við eitt stig sem þeir og uppskáru en okkar menn voru líklega orðin langþrettir á að nánast ekkert gekk upp.

Mér fannst alveg vanta mann á miðja miðjuna til að skila boltanum vel frá sér. Momo er ekki sá besti í því og Bolo var ekki að finna sig. Ég hefði viljað sjá Pennant á kantinum og Gerrard á miðjunni með Momo til að sporna við þessu en Alonso var ekki með vegna meiðsla í dag.

Maður leiksins: Frammistaða einstakra leikmanna? Gonzalez var mjög slakur til að byrja með en tók sig á þegar leið á leikinn. Bellamy fékk úr litlu að moða en hann var alltaf með baráttuna í fyrirrúmi líkt og Momo sem mér fannst eiga fínan leik. Hyypia tók sig sömuleiðis á þegar leið á leikinn, Reina hafði lítið að gera í markinu, en Zenden olli mér vonbrigðum líkt og Kromkamp. Gerrard var ekki upp á sitt besta. Ég ætla að gefa Fabio Aurelio heiðurinn að þessu sinni. Hann sýndi úr hverju hann er gerður að mínu mati og hann kann greinilega að senda boltann.

NIðurstaðan í fyrsta leik tímabilsins er jafntefli gegn baráttuglöðum nýliðum, eitthvað sem við verðum að sætta okkur við þrátt fyrir að auðvitað sé erfitt að kyngja því að hala sér ekki inn þrjú stig á fyrsta leikdegi. Við erum strax á eftir í titilbaráttunni og það setur ekki gott fordæmi að vinna ekki fyrsta leikinn, þannig er það bara.

Framundan eru erfið verkefni, Maccabi Haifa, West Ham, Everton og svo Chelsea. Við kryfjum þennan leik eitthvað áfram áður en við einbeitum okkur að því að komast í Meistaradeildina…

Jæja við unnum fyrstu rimmuna af vonandi mörgum við Chelsea í dag og erum því Samfélagsskjaldarmeistarar 2006, til hamingju með það. Ég hef nú séð liðið fagna oft meira en í dag en maður sá að nýju leikmennirnir voru afar ánægðir sbr. Gonzalez.

Svona var byrjunarliðið í dag:

Á bekknum: Dudek, Sinama Pongolle, Gerrard, Aurelio, Alonso, Bellamy, Hyypia.

Þetta byrjunarlið kom mér töluvert á óvart og sagði Rafa eftir leikinn að hann vildi láta þá byrja sem voru í besta líkamlega forminu og síðan skipta mönnum smátt og smátt inná. Það gekk eftir hjá honum þótt þetta passi ekki alveg þar sem t.d. Agger hafði ekki spilað mínútu fyrir þennan leik.

Bæði liðin byrjuðu rólega og voru Chelsea hættulegri til að byrja með. Síðan var það á 9. mín sem Riise vann boltann eftir hornspyrnu Chelsea á vítateig okkar. Riise brunaði af stað ásamt Pennant sem dró Essien frá Riise og á vinstra meginn var Crouch að bjóða sig.
Riise hélt áfram að bruna upp hægra megin á miðjunni á fullri ferð, færð sig eilítið meira inná miðjuna og leit upp. Sá engann frían og ákvað að skjóta að marki Chelsea þar sem Cudicini var í rammanum vegna meiðsla Cech. Terry gat ekki farið fyrir fast skor Riise sem sigldi einnig framhjá Ítalanum reynda í markinu og þandi netmöskvann. Glæsilegt mark hjá Riise og frábært einstaklingsframtak hjá norska Beckham. Hins vegar verður að segjast að Cudicini hefði átt að gera betur (minnsti mig mikið á mark sem Chris Kirkland fékk reglulega á sig). 1-0 eftir 9 mínútna leik.

Við sköpuðum okkur ekki mörg færi fyrir utan markið sem var í raun ekkert færi. Chelsea átti heldur enginn opinn færi í leiknum og leikurinn fór mest fram á miðjusvæðinu. Þar var Sissoko hreint frábært og hefur greinilega verið duglegur í viðstöðulausum í sumar þar sem hann skilar boltanum mun betur frá sér en á síðasta tímabili. Luis Garcia minnti á sig reyndar með að búa til gott færi með góðu spili með Gonzalez en Cudicini varði vel. Síðan kom jöfnunarmarkið stuttu fyrir hálfleik. Essien gaf á Lampard sem á miðjunni, hann gaf góða sendingu á Shevchenko sem tók knöttinn snyrtilega niður á bringuna og lagði boltann framhjá Reina í markinu. Mjög gott mark en einnig mistök í vörninni þar sem bæði Drogba og Shevchenko lágu á Carragher á meðan Agger var mannlaus. Markið kom á 43 mínútu og þannig stóð í hálfleik, 1-1.

Ballack hafði farið útaf meiddur eftir 20 mín. leik og hafði þá Sissoko virkilega boðið hann velkominn í Ensku Úrvalsdeildina með vel útfærðum tæklingum.

Engar breytingar voru gerðar á liðunum í hálfleik en Chelsea virtist vera betur tilbúið í upphafi seinni hálfleiks og náði undirtökunum á miðjunni þar sem Zenden var ásamt Sissoko. Zenden er fínt back up en á ekki að vera byrjunarliðsmaður, hvorki á miðju né kantinum. Er frábær í Middlesboro eða West Ham en ekki í Liverpool.

Rafa skipti varamönnunum smátt og smátt inná og með því að fá Gerrard og Alonso náðum við góðum tökum á miðjusvæðinu. Eftir það voru við ávallt líklegir að setja mark þrátt fyrir að Chelsea hafi haft boltann mun meira en við í þeim síðari. Aurelio, sem átti fína innkomu á vinstri kantinum, sendi góða sendingu á Bellamy sem var upp við endamörkin vinstra megin. Bellamy náði stjórn á knettinum, gaf sér tíma til að horfa í kringum sig og gaf síðan frábæra sendingu á kollinn á Crouch sem skoraði örugglega fram hjá Cudicin frá stuttu færi. Mjög gott mark þar sem Bellamy og Crouch fóru illa með Terry og co. Í endursýningunni sjást 4 bláir varnarmenn inní vítateignum og einn rauður sláni, þar sem Terry einbeitti sér frekar að knettinum en Crouch og eftirleikurinn var auðveldur hjá Crouch. 2-1 eftir 80. mínútna leik.

Eftir markið var gerði fátt markvert og var ég aldrei í hættu að við myndum ekki vinna þetta, virkuðum sjálfstraustir og sigurvissir.

Það spiluðu allir vel hjá okkur í dag og var liðsheildin öflug. Það var gaman að sjá Gonzalez, Aurelio, Bellamy, Pennant og Agger spila í dag og standa sig vel. Sérstaklega fannst mér gott að sjá Agger spila heilar 90 mínútur og mun það skipta sköpum í vetur að hafa gott cover fyrir Hyypia og Carragher. Aurelio sýndi að hann er góður knattspyrnumaður sem getur spilað sem kantmaður sem og bakvörður. Riise skoraði frábært mark og er hrikalega vinnusamur leikmaður. Pennant er óhræddur að taka mótherjan á og getur gefið góðar sendingar fyrir markið. Crouch gerði kannski ekki mikið í þessum leik en hann skoraði og það er fyrst og fremst verkefni framherjans. Bellamy kom með góða innkomu og lítur út fyrir að hann sé frábær kaup hjá Rafa.

En maður leiksins fyrir mér er án efa Mohamed Sissoko. Hann var hreint út sagt frábær á miðjunni í dag og heldur áfram þar sem hann hætti í vor. Núna er hann ekki bara að vinna boltann heldur einnig að fara framhjá mótherjanum sem og skila boltanum vel frá sér. Ef heldur sem horfir þá verður hann einn mikilvægasti leikmaður okkar. Frábær frammistaða.

Rafa sagði eftir leikinn að hann væri [ánægður með sigurinn](http://home.skysports.com/list.aspx?hlid=409595&cpid=38&fxid=297586) og allir hefðu staðið sig vel.

“It is difficult to play against one of the best teams in the world and we have done a good job today and for the rest of the season we will have more confidence. The team worked really hard against a very good team with lots of good players and in the last minutes we were working, running and trying to defend and I am really pleased with the team.”

Ég nenni ekki að fara neitt sérstaklega yfir andstæðinginn nema hvað að Carvahlo sýndi mér enn og aftur hversu óþolandi leikmaður hann er, Shevchenko kemur til með að vera öflugur og að þetta Chelsea lið er alls ekki ósigrandi. Ég hef einhverja tilfinningu að þeir séu ekki eins massívir og undanfarin ár. Ef þeir missa Gallas þá vantar þá mikið og það sást í dag.

[Leikskýrsla SkySports.](http://home.skysports.com/matchreport.aspx?fxid=297586&channel=football_home&cpid=38)
[Leikskýrsla BBC Sport](http://news.bbc.co.uk/sport2/hi/football/4780739.stm)

Jæja, þetta byrjaði ekki alveg einsog við höfðum vonast eftir, en þökk sé Mark “Speedy” Gonzalez þá fór Liverpool með [sigur af hólmi](http://news.bbc.co.uk/sport2/hi/football/europe/5255220.stm) gegn hinu sterka liði Maccabi Haifa í kvöld.

Þetta var ekki jafn stór og margir höfðu búist við og það var ekki nógu gott að liðið skyldi fá á sig mark á heimavelli. En seinni leikurinn verður háður á hlutlausum velli og Liverpool ætti núna að vita betur hvernig þeir eiga að spila gegn þessu ísraelska liði.

Liverpool á að klára þetta eftir tvær vikur.

Jæja, byrjum á byrjuninni. Í þessum fyrsta alvöruleik á tímabilinu 2006-2007 þá stillti Rafa þessu svona upp í byrjun:

Fyrri hálfleikurinn byrjaði frekar rólega. Liverpool var meira með boltann, en þeir náðu aldrei almennilega undirtökunum á vellinum. Haifa menn áttu svo hættulegar skyndisóknir. Þegar um hálftími var búinn missti Xabi Alonso boltann klaufalega á miðjunni og Haifa menn spiluðu sig í gegnum vörn Liverpool og Boccoli skoraði framhjá Reina í markinu.

Við þetta vöknuðu Liverpool menn loks til lífsins og byrjuðu að sækja almennilega. Einsog ávallt fóru sóknirnar í gegnum Pennant á hægri kantinum. Hann spilaði sig glæsilega í gegnum vörnina, gaf á Gerrard sem lagði hann útá Sissoko, sem skaut á markið (ótrúlegt!!!) – skotið var varið, en **Craig Bellamy** var mættur einsog gammur og skoraði fínt mark.

Eftir þetta sótti Liverpool nokkuð mikið fram að hálfleik án almennilegra færa.

Í seinni hálfleik var þetta svo áfram pressa hjá Liverpool án mikils árangurs. Það breyttist þó þegar að Luis Garcia kom inn fyrir Zenden (sem hafði verið slappur á vinstri kantinum). Garcia var stöðug ógnun og prjónaði sig nokkrum sinnum listilega í gegnum Haifa menn. En ekki kom markið. Rafa breytti þá áfram, setti Crouch inn fyrir Bellamy og að lokum Mark Gonzalez inn fyrir Gerrard. Þá hélt maður að þetta væri búið, en þessi skipting reyndist breyta öllu.

Stuttu fyrir leikslok gaf Xabi Alonso glæsilega sendingu á **Mark Gonzalez**, sem virtist gleyma boltanum en hann náði honum aftur, náði að snúa sér og setti boltann efst í markhornið. Glæsileg byrjun hjá Speedy!!! Og 2-1 sigur hjá Liverpool

**Maður leiksins**: Í raun eiga allir nýju mennirnir hrós skilið. Craig Bellamy skoraði gott mark, sem oeg Mark Gonzales. En **Jermaine Pennant** var einfaldlega bestu maður Liverpool í dag. Nánast allar sóknir Liverpool komu upp kantinn. Hann át vinstri bakvörðinn hjá Haifa og dældi svo góðum boltum inná teig. Ef að þetta er ávísun á framtíðina, þá Jermaine Pennant eftir að eiga glæsilegan feril hjá Liverpool.

En allavegana, 2-1 er svo sem ekki slæm úrslit. Liverpool menn eru heppnir að seinni leikurinn er á hlutlausum velli. Ég er þess fullviss um að liðið klárar þann leik og kemst þannig í riðlakeppni Meistaradeildarinnar.

Á leiðinni heim frá Players í kvöld íhugaði ég allavega tíu mismunandi leiðir sem ég gæti tekið leikskýrslu þessa leiks og snúið honum upp í grín, gaman, glens og léttleika. Á endanum datt ég þó niður á einu réttu viðbrögðin, en þau eru svo hljóðandi:

Þetta var svekkjandi. En þetta var æfingaleikur. Margir leikmenn léku. Allir léku illa. Ekkert markvert gerðist. Utan fimm aulamistaka sem gáfu mörk. Leikmenn fengu leikæfingu, og nú lýkur gamninu og alvaran tekur við. Fimm dagar í Maccabi Haifa á Anfield, og ég vona að þeir hafi verið að horfa í kvöld. Það er okkur í hag, ef þeir voru að horfa, því þá gætu þeir álpast til að halda að þeir eigi séns í Liverpool FC. Þeir gætu, ef við erum heppnir, haldið að Liverpool-liðið á undirbúningstímabilinu á útivelli gegn Mainz, sé það sama og Liverpool-liðið á Evrópukvöldi á Anfield.

Ég hef aldrei á ævi minni séð Liverpool tapa 5-0 áður. Aldrei. Og það hversu mjög mér er slétt sama um úrslitin segir allt sem segja þarf um það hversu litlu máli þau skiptu. Rafa mun lesa yfir hausamótum, menn munu sofa illa, allt verður vitlaust á Anfield eftir fimm daga.

Ég vona að Maccabi Haifa-menn hafi verið að horfa.

Maður leiksins: **Ég** … fyrir ótrúlega bjartsýni og gríðargóðan húmor þegar Mainz-menn skoruðu fimmta markið. ;)

Eins og þið vitið eflaust töpuðu okkar menn í dag í vináttuleik gegn Grasshopper frá Zürich, 2-0.

Þessi leikur skiptir augljóslega engu máli, en er samt sem áður annar tapleikur liðsins í röð í Sviss og það er hreinlega fyndið að fylgjast með spjöllurum víðs vegar á netinu tapa sér í svartsýni yfir slíku.

Til að leggja áherslu á það hversu litlu máli úrslitin skiptu í þessum leik stillti Rafa Benítez upp í 3-4-3 leikkerfi í dag:

**BEKKUR:** Carson, Carragher, Traoré, Kromkamp, Gerrard, Luis García, Crouch.

Allir varamennirnir nema García og Carson komu inná í síðari hálfleik skilst mér, og þótt ég hafi ekki séð leikinn sjálfur skilst mér að liðið hafi virkað töluvert sterkara bara með innkomu Carra, Stevie og Crouchie. En mörkin tvö komu í fyrri hálfleik, fyrst eftir einhvern doða í vörninni og svo eftir slæma baksendingu Gabriel Paletta.

Næsti leikur er á föstudag gegn Mainz 05 og verður hann sýndur beint á Players og víðar.